Pablo Gonzalez askatzeko eskatu dute dozenaka euskal kazetari eta hedabidek

Pablo Gonzalez
Hala Bedi

Pablo Gonzalez kazetari bizkaitarraren atxiloketa inkomunikatuaren eta espetxeratzearen aurrean, dozenaka kazetari eta herri komunikabidek manifestu bat egind ute elkartasuna eta babesa adierazteko Pablori eta haren senide, lagun eta kideei; eta espetxeratzea bidegabearen aurrean, "berehala" aske uzteko eskatu dute.

Pablo Gonzalez kazetariaren atxiloketa inkomunikatuarekin eta espetxeratzearekin kezkatuta, dozenaka euskal kazetari eta herri hedabidek haren askatasunaren aldeko manifestua idatzi dute, tartean Aiaraldea, Ahotsa.info, 97 Irratia, edo Arabako Aleako kazetariak, ARGIAkoak, Euskal Irratietakoak, Euskalerria irratikoak eta beste asko, baita Hala Bedi Irratia ere. Euskal Herriko, Espainiako Estatuko eta Europako erakundeei eskatu diete egin dezatela gehiago, «egin dezatela beren eskuetan dagoen» guztia Pablo «lehenbailehen» etxera ekartzeko, espertxeratzea bidegabea delako.

Hainbat hedabidetako kolaboratzailea da Pablo Gonzalez, Gara, Público, La Sexta eta Efe, adibidez. Otsailaren 28an atxilotu zuten Pablo Gonzalez, Polonian, Errusiarentzako espioitza lanak egitea egotzita. Haren senitarteko eta lagunek kezka handiz bizi izan dute atxiloketa, informaziorik gabe eta inkomunikatua egon baita.

Gerra egoeretan kazetarien eta informazioaren alorreko profesionalen lanaren garrantzia azpimarratu dute, gatazkan dauden lurraldeetan gertatzen dena herritarrek lehen eskutik jasotzeko. “Hala ere, gerra guztietan bezala, kazetariak ere helburu militar bihurtzen dituzte. Badirudi ez dituztela lekuko deserosoak nahi eta prentsari eraso egiten diote, informazio-askatasuna urratuz». Kezka adierazi dute Europan RT eta Sputnik hedabideak zentsuratu dituen Europar Batasunaren deriba autoritarioarekin, eta Errusiako Gobernuak prentsa askatasuna murrizteko ezarri dituen lege berriekin.

Euskal Herriak ere «bertatik bertara ezagutzen du» prentsa askatasunaren eta adierazteko eta informatzeko eskubidearen urraketa, manifestuan  jaso dutenez. Hemen komunikabideak itxiarazi, kazetariak espetxeratu eta haien aurkako atentatuak egin dituztela gogorarazi dute eta gaur egun ere Espainiako Estatuan Mozal Legeak indarrean jarraitzen duela mahaigaineratu. Manifestua sinatu duten kazetari ugari lege horren kariaz isunak jasotakoak eta jazarpena pairatutakoak dira eta, horregatik, «ondo dakigu Pablo eta haren senideak sufritzen ari diren egoera oso latza eta makurra dela», esan dute.

Gauzak horrela, Euskal Herriko, Espainiako Estatuko eta Europako erakundeei eta Pabloren askatasunaren alde zerbait egin dezaketen pertsonei eskatu diete Pablo «lehenbailehen etxera ekartzeko lanari ekin diezaiotela». Izan ere, aski frogatutzat dute presio diplomatikoa oso eraginkorra izan daitekeela. Ziur daude, manifestuan jaso dutenez, Pablo Gonzalez Errusian atxilotu izan balute, presio diplomatikoa handiagoa zatekeela.

“Berriz ere gogorarazi behar dugu prentsa eta informazio askatasuna demokraziaren oinarria dela, guztiok babestu beharrekoa, hemen eta leku guztietan”, aldarrikatuz amaitu dute Pablo Gonzalezen aldeko oharra.

Manifestua babestu duten komunikabideen zerrenda

Ahotsa.info
Eguzki Irratia
Argia: Amaia Lekunberri, Axier Lopez, Lander
Arbelaitz, Jon Torner, Xabier Letona, Jenofa
Berhokoirigoin, Zigor Oleaga, Estitxu Eizagirre,
Mikel Garcia, Pello Zubiria
Mediabask: Félix Thommen, Patrick Graciet,
Ludivine Charniguet, Mikel Irastorza, Anaiz
Aguirre, Willy Roux, Irati Esparza-Guimon, Claire
Jomier, Goizeder Taberna
97 irratia
Zintzilik irratia
Esan Erran irratia
Hala Bedi irratia
Aiaraldea Komunikabidea
Arabako ALEA: Anakoz Amenabar, Aritz Martinez
de Luna, Erlantz Anda, Estitxu Ugarte, Mikel
Buruaga
Txapa irratia
Antxeta irratia
ZuZeu
Radio France: Oihana Larzabal, Bixente Vrignon
eta Iban Etxezaharreta
Euskal Irratiak: Arantxa Idieder, Kriztof Arotzarena,
Ihintza Arrieta
Karlos Zurutuza
Menane Oxandabaratz (Herria astekaria)
Ane Zabala (BilboHiria irratia)
Euskalerria Irratiko kazetariak: Juan Kruz Lakasta
Zubero,
Haritz Pascual Garjon, Reyes Ilintxeta Jimenez,
Pello Argiñarena Urriza, Iosu Ganuza García,
Lohizune Amatria Zabalza


Pablo eta kazetaritza libre nahi ditugu

Pablo Gonzalez kazetari bizkaitarraren atxiloketa inkomunikatuaren eta espetxeratzearen aurrean, testu hau sinatzen dugun kazetari eta herri komunikabideok elkartasuna eta babesa adierazi nahi dizkiegu Pablori eta haren senide, lagun eta kideei. Espetxeratzea bidegabea dela uste dugu, eta horregatik berehala aske uzteko eskatzen dugu.

Gerra egoera honetan, are garrantzitsuagoa da kazetaritza eta informazioaren profesionalen lana, gatazkan dauden lurraldeetan gertatzen dena herritarrok lehen eskutik jasotzeko. Hala ere, gerra guztietan bezala, kazetariak ere helburu militar bihurtzen dituzte. Badirudi ez dituztela lekuko deserosoak nahi eta prentsari eraso egiten diote, informazio-askatasuna urratuz. Zentzu horretan, kezkagarriak dira Europan RT eta Sputnik hedabideak zentsuratu dituen Europar Batasunaren deriba autoritarioa, eta Errusiako Gobernuak prentsa askatasuna murrizteko ezarri dituen lege berriak.

Euskal Herriak bertatik bertara ezagutzen du prentsa askatasunaren eta adierazteko eta informatzeko eskubidearen urraketa. Lurralde honetan komunikabideak itxiarazi, kazetariak espetxeratu eta haien aurkako atentatuak egin dituzte. Gainera, gaur egun, Espainiako Estatuan Mozal Legeak indarrean jarraitzen du, eta lege bidegabe horren bidez, testu hau sinatzen dugun hedabide eta kazetari askori isuna jarri digute edo
jazarri gaituzte. Horregatik guztiagatik, ondo dakigu Pablo eta haren senideak sufritzen ari diren egoera oso latza eta makurra dela. Hori dela
eta, Euskal Herriko, Espainiako Estatuko eta Europako erakundeei eta Pabloren askatasunaren alde zerbait egin dezaketen pertsonei eskatu nahi diegu Pablo lehenbailehen etxera ekartzeko lanari ekin diezaiotela.

Askotan frogatu da presio diplomatikoa oso eraginkorra izan daitekeela, horretarako egiazko indarra jartzen denean. Ziur gaude hala izango
litzatekeela Pablo Errusian atxilotu izan balute. Beraz, berriz ere gogorarazi behar dugu prentsa eta informazio askatasuna demokraziaren oinarria dela, guztiok babestu beharrekoa, hemen eta leku guztietan.

Pablo askatu!

Castellano

Pablo y el periodismo, libres

Ante la detención incomunicada y  encarcelamiento del periodista vasco Pablo Gonzalez, las y los periodistas y medios de comunicación populares frmantes queremos expresar nuestra solidaridad y apoyo a Pablo y a sus familiares, amigos y compañeros. Estamos convencidos de que su encarcelamiento es injusto, y por ello solicitamos su libertad inmediata.

Vivimos un escenario de guerra en el que el papel del periodismo y de los profesionales de la información se hace más importante todavía si
cabe, ya que su labor debería ser la de tratar de contar lo que ocurre desde los territorios en conficto. Sin embargo, como en todas las guerras,
las y los periodistas se convierten también en objetivo militar. Parece que no interesan los testigos incómodos, y por tanto se ataca a la
prensa y vulneran la libertad de información. En este sentido, las derivas autoritarias de la UE impidiendo la recepción de RT o Sputnik, y del
Gobierno ruso anunciando medidas para cercenar la libertad de prensa, no son nada positivo.

Euskal Herria conoce de primera mano la vulneración del derecho a la libertad de prensa, de la libertad de expresión y de información. En esta tierra se han cerrado medios de comunicación, se han encarcelado periodistas y se ha atentado contra sus vidas. Además, a día de hoy en el Estado español sigue vigente la denominada Ley Mordaza, mediante la cual muchos de los medios y periodistas que firmamos este escrito hemos sido multados o perseguidos.

Por todo ello, nos podemos llegar a imaginar el calvario por el que estarán pasando ahora Pablo y sus familiares, y pedimos a las instituciones
vascas, españolas y europeas, y a aquellas personas que puedan hacer algo por su libertad que se pongan manos a la obra y que traigan a
Pablo a casa.

En numerosas ocasiones ha quedado demostrado que la presión diplomática puede ser muy efectiva, si realmente hay interés. Estamos
convencidas y convencidos de que así sería si el periodista estuviera arrestado en Rusia. Por lo tanto, sólo nos queda recordar que la libertad de prensa e información es un pilar básico de la democracia, y que todos y todas debemos de protegerla, sea donde sea.

Pablo askatu!

Ahotsa.info
Eguzki Irratia
Argia: Amaia Lekunberri, Axier Lopez, Lander
Arbelaitz, Jon Torner, Xabier Letona, Jenofa
Berhokoirigoin, Zigor Oleaga, Estitxu Eizagirre,
Mikel Garcia, Pello Zubiria
Mediabask: Félix Thommen, Patrick Graciet,
Ludivine Charniguet, Mikel Irastorza, Anaiz
Aguirre, Willy Roux, Irati Esparza-Guimon, Claire
Jomier, Goizeder Taberna
97 irratia
Zintzilik irratia
Esan Erran irratia
Hala Bedi irratia
Aiaraldea Komunikabidea
Arabako ALEA: Anakoz Amenabar, Aritz Martinez
de Luna, Erlantz Anda, Estitxu Ugarte, Mikel
Buruaga
Txapa irratia
Antxeta irratia
ZuZeu
Radio France: Oihana Larzabal, Bixente Vrignon
eta Iban Etxezaharreta
Euskal Irratiak: Arantxa Idieder, Kriztof Arotzarena,
Ihintza Arrieta
Karlos Zurutuza
Menane Oxandabaratz (Herria astekaria)
Ane Zabala (BilboHiria irratia)
Euskalerria Irratiko kazetariak: Juan Kruz Lakasta
Zubero,
Haritz Pascual Garjon, Reyes Ilintxeta Jimenez,
Pello Argiñarena Urriza, Iosu Ganuza García,
Lohizune Amatria Zabalza

Fuente
https://halabedi.eus
Categoria
Etiquetas